السلام عليكم ورحمة الله وبركاته
شلونكم شاخباركم ... عدنا إليكم من جديد بعد فترة انقطاع صيفية رمضانيه بداية شتوية ... وها نحن نعود اليوم في رحله باريسيه من خلال نهر الحبـيـبّـه في فرنسا
هذا سلمكم الله هالنهر بما انه ماعندهم بحر في باريس فمالهم الا هالنهر يقعدون عليه ويطلعون كل اللي في بطونهم من هموم وحب ورومانسيه وشكوى وفراره على هالنهر
ورايحين ورادين وسوالف ووناسه ... طبعا يقع هذا النهر بالقرب من برج ايفيل الباريسي فتعالوا الحين نركب سفينه سغيرونه ونطق فره في هذا النهر الجميل
هنا بداية الصعود الى السفينه المكشوفه وكل واحد يشوفله مكان زين ويقعد فيه
شوي سيقانك يالحبيب خل نصور
صور صور واخرتها محد ياخذ الصور منه ^_^
وتنطلق السفينه من يم برج ايفيل ... وتبدأ الرحله وتشاهد السفن الأخرى تمر بجانبك وصورني واصورك طبعا الكل يصور عادي ماكو مشاكل لا وبعد يسلمون عليك
وتمر على هالمتاحف والقصور
وعلى هالجسور الجميله
وتشاهد بريق الشمس يسطع على النهر ... يعني شعر حداثي
وهات ياتصوير في هالمباني
ومحاولة مرور من تحت أحد الجسور
والدخول في نفق مظلم ... ترم ترم تبدو الفرحة فيه قبلنا فضحكنا ضحك طفلين معا فعدونا فسبقنا ظلنا
عاد الحين راح نمر على نوعيات من الناس الموجوده على قارعة الطريق المتاخم لنهر السين
عاشوا الشباب اللي مخيمين على رصيف النهر ... خوش مخيم
وهذا احد السلالم اللي تنزلك يم النهر ... يعني عيزانين تنزلون شوي وتقعدون تحت ؟؟ ليش عاد على الدرج ؟؟ ... يمكن القعده رومانسيه واحنا ماندري .. الله اعلم
غنيلي شوي شوي وغنيلي وخد عيني ... ليش ماكو شغل ؟؟؟
مخازز عتاويه ماجنهم اناث حشا
متاهة جسور هذي والا شنو ؟؟
هذا مو جنه بيت دراكولا ؟؟
بالضبط نفس القعدات اللي تصير عندنا على البحر ... لما اييون بعض العوايل ويفرشون على البحر وهات ياشوي وهات ياقراطيس ولويه واخرتها ثاني يوم الفجر البنغالي اللي ينظف مكانهم تلوع جبده ويزهق ويروح ينتحر بسبة الوصاخه اللي خلوها ومشوا ... طالعوا الفرنسيين شحليلهم ثلاث اجياس وبطل ماي صحه وشوية حب وترمس واهمه اللي ماشين
ليش اسوي عزيمه واعزم عليها الفريج كله عشان اقعد على البحر ليش ... خو لازم اتصير الديرة نظيفه مايصير جذي يا اخوان يامبجلين
ونكمل رحلتنا ومشوارنا
قعدوا يابنات ... طول الطريج واقفين قعدوا خلوا الاوادم يشوفون ويصورون ^_^
ياعيني على الشجرات اللي تطلع على الأرصفه
آعد لوحدك ليه .. بتعزف لمين ... تريريريم
تحت الشجرااات لالا صوووب الطوفات لالا ... بتـئـوووول حبيبي رايح فيــــن .... <== موشغلك يروح وين مايبي
كلمات والحان ... دندرن
مفردات يجب ترجمتها من هذه الأغنيه
آعد = قاعد
الشجرات = جمع شجره
الطوفات = جمع طوفه
بتئول = بتقول
ونكمل .....
يحليله الفارس عنتر القديم للحين موجود
ها تسابقون ؟؟
بيت الوالد بعد التثمين ... بززززززززز
كادح يكدح كدحن ... الظاهر شكله من ربع بوب مارلي
ونعود الى حيث انطلقنا
ونقترب ارويد ارويد من برج ايفيل
والحمدالله وصلنا بالسلامه الى المكان الذي بدأنا الانطلاقة منه
وهذيل مثل ما قلنا لكم في البداية عن اللي يصور الاوادم اللي يركبون السفينه ... آخر شي الاوادم يطالعون صورهم ويمشون محد يشتري منهم
خو لأنه كل اللي اركبوا او اذا مو كلهم الغالبيه معاهم كاميرات ومصورين بعض وخالصين اشيبون بالصور اللي تصورونهم بعد؟
ونشوفكم في القريب العاجل في مواضيع جديده ان شاءالله ..
منقووووووووول
صررقوووع
الثلاثاء نوفمبر 27, 2007 3:15 pm
