رميتك يالعذاب اللي على الماضي تقود خطـاي
نسيتـك والله صدقنـي وصادقـت الأمـل كلـه
كتبت الوحشه بدروبي وخليت الحـزن مرسـاي
رسمت العبرة بعيوني وصـارت قصتـي علـه
انا ماابغى اجيب الجرح واجدد كل ظروف بكـاي
زمن كافر .. زمن قاسي .. بليا مذهـبُ وملـه
انا اطول قصة مكتوبه كتبهـا حظـي ومبـداي
انا اغرب سالفه قيلـت لعشـاق الهـوى كلـه
عشقت البرد بعظامي وعجزت اتهنى في مدفـاي
عشقت ابقى وحيد الليل واجر الصـوت وآتلـه
واقطّع دفتر الماضي !! كتب همي وكتب بلـواي
واخلي الريح تقفي به وترحـل بـه قبـل حلـه
الا ياول هموم القلب وش آخر ماجنـت يمنـاي
ماغير جروح تكويني وسيوف العشـق منسلـه
سكنتك يالخيال اللي بنى وهمـه علـى دنيـاي
تطيح الدنيا من عينـي وتمـوت قلـوب منذلـه
وادوّر مابقى فيني واغني مـن عـزوف النـاي
على شط البحر صوتـي يبكّـي المـوج ويهلّـه
الاياموج خبرني عن احلامي وعمـري الجـاي
رجيتك تكفا وارسمهـا بصـورة حـب ماملـه
ولو شفت الملل فيني فتأكد ماوصلـت رضـاي
انا صعب المزاج وصعـب يامـوج توصـل لـه
دموعي ماشكت همي وهمي مارضـى بحكـاي
تموت الكلمة وادفنها وقلبي يشتكـي مـن لـه
ظروفي تزعل العـاذل ويترحّـم علـيّ عـداي
وصار الكـل يعرفنـي بشـر معشـوق للزلـه
وصار الهم مسباحي وصار الغـم هـو مركـاي
ماغير اجلس واعد الليـل وازوّد طينتـي بلـه
يضيق الكون بعيوني وآنا اضيق بعيون فضـاي
مثل طفلً غشـاه الدمـع وقلبـه مايبـي ذلـه
بشبه حالتي وارسم واوضح من خفايـا حشـاي
بقايـا قلـب عنوانـه ( زمانـي ياكبـر غلـه)
تجمل يالزمان اللي كثـر قربـك تبـي فرقـاي
مفارق والله صدقني !! مفـارق هالوطـن كلـه
الا ياهل الهوى قولوا وش الحيله وكيف الـراي
هذاك الماضي اقصد به !هوى خلً جفـا خلـه!
وداع الجرح ولاقسى من وداع الجرح غير خطاي
ابارحل وين يادنيا؟؟ وحملـي ياصعـب حملـه
الإثنين ديسمبر 03, 2007 12:55 am
