صرقعني^زماني
مراقب عام
 عدد الرسائل : 1744
العمر : 42
تاريخ التسجيل : 12/09/2007
 | موضوع: الهنوف ..  الإثنين سبتمبر 17, 2007 11:19 pm | |
| الهنوف اللي سرت من نجد وامست فالحويه ضيقت صدر الرياض وسافر الطايف وجاها
وانتني غيم الحجاز لخد نجد النرجسيه يوم جاته من زعلها كنها تقصر خطاها
زعلوها وارحلت واخلت قصور الفاخريه وألقتني شرهت الزعلان واخطاني رضاها
سافرت والله ما اخبر اللي يزعلها عليه واستباحت لله الخيره سهر عيني وماها
ليتها يوم استباحت دمعة العين الشقيه ما استباحت دم قلبي من خلاها في خلاها
سامح الله ظلمها وطعونها الخضر النديه والله يسامح خناجرها ويعفو عن خطاها
عرضتني للهبايب والضمى والمهمهيه واتركتني للزعل والشوق والكبر وغلاها
والغلا ماهو في يديها ولا هو في يديه الغلا شيءً من الله واشهد ان الله عطاها
من غلاها لو توردني على حوض المنيه كنها تسقيني الشهد المصفى من شفاها
ومن حلاها ما توصفها الحروف الابجديه كيف توصف وردةً يبري من العله شذاها
الورود تغار منها مزهريه مزهريه وان تباهت عذرها معها يحق ألها تباها
ما يشابهها شبيه ولا يحاليها حليه جل ربً يوم صورها فرقها عن سوها
لأقبلت هيجنت وان اقفت جذبت السامريه وعذابي وان عطتني وجهها والا قفاها
ان بدالي وجهها يسعد صباح اليوسفيه وان غشتني نفحة من ليلها يسعد مساها
درة بالموت محروسه وبالبحر محميه البحر من دونها والموت الاحمر من وراها
دونها ما اغليت وسم اهلي ولا شداد المطيه مرخصً فالقاع عمري والثريا في سماها
لايمي يبلى بحب الحضر فعيون بدويه في ضروفً ما يقارن مستواه بمستواها
الله اقوى يافقير القلب ابو نفسً غنيه مالك الا الصبر والجنه لقاها من لقاها
والهوى اللي يطرح الرجال في يدين اجنبيه علةً بالجوف لا تبرا ولا يلقى ادواها
والهنوف اللي لرد الثار تاخذها الحميه شفتها بالعين في قلبي وهي تاخذ قضاها
وشفتها تشتاق تطعني بلا ذنب وخطيه كثر ما تشتاق لاعماقي وانا اشتاق لدفاها
كل ما عرقت بمسمها تحريت الخويه والحقت بالميسم الميسم كذا على عماها
عاقبتني كل يومً تلحق الكيه بكيه واتعبتني وادركتني والحقت نفسي مداها
وان تمادت جهزوا قبري وانا ابكتب وصيه بكتب الله لا يعاقبها ويرضى لي علاها
العمار تلفه الايام والدنيا مديه والسنين تلفني والنار تحرق من وطاها
علموها تلحق الباقي مدام الشمس حيه واتغانم ما بقى مني وما تطلب فداها
لا تمادى في جفاها والرياح الموسميه ما تقدر وقفة الاشجار وتثمن عطاها
علموها ما بقى لي غير ادن الهاشميه كان ترضاها علي والا تهون من جفاها
وانصحوها لا تحمل نفسها نفسً بريه وذكروها بالقبر لاعلها والا عساها
وعلموها علومها لا تطول فالحويه ديرة ما هي بديرتها لو اعجبها هواها
| |
|
f15ss
مشرف منتدى الرياضه والسيارات ..
عدد الرسائل : 854
البلد : ksa
الجنس : ذكر
تاريخ التسجيل : 16/09/2007
| | موضوع: رد: الهنوف .. الأحد أكتوبر 07, 2007 5:06 am | |
| يسلم يمينك خيوووو صرقوووع
تقبل مروووري | |
|
صرقعني^زماني
مراقب عام
عدد الرسائل : 1744
العمر : 42
تاريخ التسجيل : 12/09/2007
| | موضوع: رد: الهنوف .. الثلاثاء أكتوبر 09, 2007 9:50 pm | |
| ويميينك يا الغااالي تحيااتي لك | |
|
