ياااااااوجودي

يا وجودي كل ما هـبّ صوتـك مـن شمـال

وجد من حدّه زمانه علـى اللـي مـا يبيـه..

ويا وجودي كلما اضحيـت ثـم مـال الظـلال

لا غفـت عينـي ولا ذقـت شـي مشتهـيـه

وجد من قفّى وهْـو فـي رجـا كلمـة تعـال

وإلتفت من عقب ماْ اقفى ..ولا أحد ٍ لدّ فيه..!!!

ويا عذابي لا دنـا الليـل مـن روس الجبـال

وانتهى يوم ٍ مـن العمـر مـا عـاد أرتجيـه

وانتي أبعد من سما الحلـم ووصالـك محـال

يا بعد من هلّ دمعـي ضحـى الفرقـا عليـه

يـا غناتـي لا تحسبيـن دمعـي يـوم سـال

ضعـف ولاّ خـوف ..ولاّ كـذا ولاّ كذيـه !!

والله إنـي مـن رجـال ٍ يضـدّون الـرجـال

لكن الحظ ّ الردي ..ساق دمعي كـل أبيـه !!

ووالله إنـي كلـمـا دار حولـيـك الـجـدال

قمت كنّ الموت يشّـر علـى قبـرى بديـه !!

ووالله ان قد لي وانـا اصّـد لا جالـك مجـال

صدّة اللـي لا تضايـق تذكّـر قبـر أخيـه !

ومن سألني قلت مـدري..وإذا عـاد السـؤال

قلت له تكفى سؤالك تـرى ماهـو وجيـه !!

وش تبيني اقول عن من ترى ذبحـي حـلال؟

والخطا منها عليّ..صـرت أحبـه وأهتويـه!!

عذرها لو مـاْ تْعـذّر مثـل واضـرب مثـال

واحد ٍ ما يعـرف الحـرّ الاشقـر يشتويـه !!

وان رجعناللـتـواصـيـف لله الـكـمــال

لاْ انتهـى ليـل المزاييـن جاتـك تبتديـه !!

كنّهـا غفـل ٍ مـع البـدو طاويهـا الحيـال

ما يميّـز وصفهـا إلا نبيـه ٍ مـن نبيـه.!!

وآهنـي اللـي وصلهـا وذاق مـن الــزلال

شربة مع غفلـة النـاس مـن فيهـا لفيـه

ياْ اول أحـلام الطفولـه علـى حـد الخيـال

الرجى باللي حمى البيت مـن حملـة بريـه..

حال دونك سيف عنتـر وتاسـع حـول حـال

باْثر حول ٍ حال دونك وانا ادعى هيـه هيـه!!

هيه ياللي غـرّك الحسـن واطغـاك الجمـال

والله أني اموت ما شفـت لأوصافـك شبيـه!!

لـو يسـام الحسـن والتيـه بجنيـه وريـال

ما بقى في سوق غيـرك ريـال ولا جنيـه !!

كيف أهـدّك للمقاديـر وانتـي راس مـال؟؟

راس مال ومال..والمال ماْ يغطـي السفيـه !!

حافظك حفظي لعينـي ورمشـي لـك جـلال

وانتـي تْشحّيـن بالما..وانـا شفّـي مويـه!!

شايف ٍ ظلمـك وساكـت وطـال الليـل طـال

لا نويتي طعن قلبي وانـا مـا قلـت ليـه...

لو بقى للهيـل صبـر ٍ علـى فـوح الـدلال

ما بقى للهيـل صبـرٍ علـى شـي ٍ يجيـه!!

وانتـي تْسوقيـن عقلـي علـى حـدّ الهبـال

تحسبين ان من بغى شي ..يقـدر يشتريـه !!!

ولاّ انـا يـا وجـد حالـي وجـود ٍ مايـقـال

وجد مـن ضحّـى بغاليـه لْرضـا والديـه...

ويا وجودي بأول العمـر قبـل ألبـس عقـال

وجد من باع آخر العمر ..في رغبـة ذويـه!!

ويا وجودي كل ما هبّ صوتـك مـن شمـال

وجد من حدّه زمانه على اللي ما يـب يـه!!!

يسلم يمينك خيوووو صرقوووع

تقبل مروووري

ويميينك يا الغااالي