يبه...

تمنيتك معي باقي تبدل خوفي اطمئنان
يا اغلى من رحل روحي تعايد بك بوجداني

تطوف الذكرى في قلبي تصحي خافقٍ شفقان
وتصرخ فيني اقداري ماعاد يرجع لكم ثاني

واضيع وتنولد دمعة على خد الرجا حرمان
واصيح ويحترق صوتي ( يبه ) وتعيد احزاني

يخذلني نهار العيد لا اقبل يخذل النسيان
والحزن ينثر دموعه في ارض حرماني وذكرتك

دعيتك طالت الغيبه وفاضت فيني الأشجان
ودعيت الله يساعدني على تخفيف اشجاني

ورجعت اعزف لأعياد نشيد الأرض للأنسان
لأن الأرض تبقى وعمرنا وحده هو الفاني

تمنيتك معي بالعيد ياقلبٍ يعرف الغفران
لو ان المستحيل اصعب تخطيته على شاني

في يوم العيد زارتني مشاعر ترفض الكتمان
تقيد بداخلي نار ألحفها بكتماني

تعيش بداخلي صورة تردد معظم الأحيان
ووين أهرب من آلامي وانا الالأم عنواني

ويمينك يا مشرفنا الغاالي

وشااكر مروورك الكريم