إذآ المـرآجل لبسة شمَآغ وٍع ـقآل ْ ْ ْ ْ

هذي قصيده أعجبتني وٍحبيت أنقلهآ لكم ..

هذي القصيدهـ تتكلم عن شبآب هذآ الزمن وٍكيف يقوٍل الوٍآحد منهم : أنآ رجل وٍالرجوٍله عنه شرق وٍهوٍ غرب المهم ماأطول عليكم ...

إذا المراجل لبسة شماغ وعقال*****قـل للعـذارى يلبسـنّ العمايـم

ما عاد يفرق زول حرمه ورجال****دام الفعايل تشبـه البعـض دايـم

المرجله ما هيب كلمه وتنقال*******وتروح ما راحت هبوب النسايـم

وإلا خشونة صوت أو رفع الأثقال****أو رزة صدور وفعـل الزلايـم

ولا هي بعد مفتاح موتر وجوال******وإلا ردى لسانن حديثـه شتايـم

المرجله شيمه عن القيل والقال******رفيع نفس (ن) حر بالجـو حايـم

المرجله عقلٍ وزنه وزن جبال******ودون العقل وش فرقنـا بالبهايـم

يا مسندي لو مايل الوقت بي مال*****يا ولد أبويه يـا عظيـم العزايـم

يا معرب الجدين من العم والخال*****يا نخوة المفزوع وقـت الهزايـم

المرجله يا خوي هي طولة البال******هي العزم هي الصبر فالظلايـم

فيها الكرم عزة دله وفنجال*********فيها الكرامه عن ردى الطبع شايم

و الدين لامنه خذا القلب منزال*******مشى طريق الحق وابليس نايـم

ومن لا عرف ربه في طيب الحال****لابد وقت الضيـق بالهـم هايـم

حتى صلاتك مع جماعات ورجال*****يا عظم أجرك بين ساجد وقايـم

ولا من رفع ربي له كل الأعمال*******حسن الذكر لا قالو فلان صايم

وخلك شريف القصد يا طيب الفال****سوء المقاصد فالبيـوت الهدايـم

واحذر تبيع النفس في درب ال؟؟؟؟؟****وتتبع خوي إبليـس راع النمايـم

النفس خيل لك إذا كنت خيّال*********ومن لا قوى نفسه قوته الهزايم

ولا صرت ما تدري ليش أنت رجال*****والله خسارة فيك ذبح التمايـم

وسلآمـتكـم ..

تحياتي للجميع

الله يعااافيييج يا الغاااليه

تحيااااتي لج

يسلمك ربي يا الغاالي

شاكر مروورك