لاتعتـــذر ماللهجـــــــــر منك تبــرير *** صــــــــدك بليا ذنب والله ظليمه
ماصار لي بعدك يفوق أي تصـوير *** تجددت كل الجــروح السليمه
بعدك لعب بي هاجسي والتفــاكير *** وقلب جريح وروح صبٍ مهيمه
ماغير اسلي خاطري بالمشــاوير *** اروح وارجع والهواجس مقيمه
ياحبي اللي بين بيض الغنـــادير *** لك في عروش القلب قدر وقيمه
ان كان صدك ماخذك عنــي الغير *** روح ولو ان الخســاير وخيمه
فأن كنها عني خذتك المقـــادير *** فالعفو عند المقــدره فيه شيمه
يامرحبا والحـب كله معـــاذير *** تشفـع لك ايام الغــرام القديمه
يوم الهوى لازارنـي منك اعصير *** اضم في صــدري منجلك نسيمه
واليوم اصبر خاطـر الوجد تصبير *** واقول صـدك عقب وصلك جريمه
ولاجاك مني ياهـوى البال تقصير *** مـواقفــي ويـاك والله عظيمه
سخرت لك مشاعر الشوق تسخير *** وامطــرتك بحـب ن تقفاه ديمه
ظلتك بجفني وصـارت مســافير *** يوم الغـلا بين النديــم ونديمه
واليوم ماتنفـع كثير المحــاذير *** تفاقمت بين النفــوس الحشيمه
عسى سنينك روض عشب ونواوير *** محد لنفسه يرتضـي بالهزيمه
اما تخاويني على الشـر والخـير *** ولا السـلامه منك راس الغنيمه
السبت نوفمبر 10, 2007 12:41 am
