قولي له هذاك أول قولي له مــــاعدت أبالي
قولي له إني من اليــوم ماودي حتى أشوفه
قولي له هو م البدايه في قلبي ما كان غالي
أتمنى تعمى عيـــــوني ولا إني ألمح طيوفه
كل شي ترى وله نهايه مابيه يطلب وصالي
مابيه يســــــــــأل عليه مابيه يشكي ظروفه
قولي له خل ينفعــــــونه دام إعتبرهم أهالي
الله معاه ومعاهم لا مـــــــــــا عليهم حسوفه
أنا اللي أستـــــــاهل أكثر أنا فتحت له مجالي
عطيته حقه وزيــــــــاده مسك حناني بكفوفه
أهديته أجمل قصيدي وسهرت عشــانه ليالي
أحاول أكتب عشــــــانه قصيده فيها وصوفه
كان القمر في سمـــــــايه أشوفه هناك عالي
تصدقين نوره عشـــاني ما كنت أقدر أشوفه
واليــــوم صار بيننا غيم وحتى لو الغيم زالي
مقدر أحبه لأنه خـــــــــوف عيوني بخسوفه
يظن هو كله إحسـاس بس للأسف قلبه خالي
يلعب على نفسه يظن روحــــي لعينه شغوفه
شسوي بشخص بـــــايع شسوي بقلب سالي
وأنا اللي كلي مشـــاعر والروح دايم عطوفه
قولي له ينسى ويبعد قولــــي له ماله ومالي
خلاص هذا قراري ولا أبغي أسمـــــع حلوفه
قولي له الأيم تمشي ومن فوق في رب عالي
وكل اللي ســـــــواه لازم يجيله يوم ويشوفه
السبت نوفمبر 10, 2007 12:45 am
