ظالمـه زينـك بشيـن السوايـا 000 من وين لك قلب على طول جايـر
ما بغى الدوى لا صار جرحك دوايا 000 باكر على الظالـم تـدور الدوايـر
اخر علاج الكـي وانتـي الكوايـا000 للحب عبره وانتي قربـك عبايـر
لو هو على زينـك بنلقـى صبايـا 000المشكله في الحب تعمى البصاير
الصبح واضح والخطايـا خطايـا 000 والربح من بعض الأوادم خساير
يا نفس قومي عـن غـرام البقايا 000 ويا قلب قبل تحب شـاور وخايـر
اولاد نـاس ولا نحـب الوصايـا 000 كل يـرى نفسـه يعـادل عشايـر
ما كـل قلـب ينشـرى بالهدايا000 ولا كل كسر تفيـد فيـه الجبايـر
المعطـي الله مـا لخلقـه عطايـا 000لو هي على خلقه سقتنـا المرايـر
عزاي رب يعطي حسـب النوايـا000يرحم عزيزين الذمـم والضمايـر
نـاس تـدس الهـم بيـن الحنايـا 000وناس وربي ما درت ويش صايـر
هذاك حظـه مثـل بيـض الثنايـا 000 وهذاك حظه مثل سـود الضفايـر
السبت نوفمبر 10, 2007 12:52 am
