كنا ماشيين
تايهين
كل منا في طريق
نبكي ليلينا
تعبانين
من السنين
بلا حب بلا نجوى
بلا ود بلا مأوى
هايمين
أغراب بلا أصحاب
من غير حبيب ولا صديق
يهنينا
ماشيين
والهموم ساكنه بعنينا
ماشيين
ومش حاسين
باللي دار ليل ونهار
حوالينا
ماشيين
وجراحنا بتاخدنا
للذكرى الحزينه
بكل مدينه
وترجع بينا
للزمان
وجرح المكان
يفكرنا بمأسينا
للأنين
والحنين
وحزن الشموع
ودوبانو
زي الدموع
وفيضانو
يبكي علينا
ماشيين
والعمر بيهرب من ايدينا
ومحدش لينا
يواسينا
غير الندم
وأهات بتنزف ألم
عالخدود
ونتوه بين الحدود
دايرين
ومش عارفين
ايه اللي مستنينا
كنا ماشيين
تايهين
بطريقين
وألم الشوك فوق بلاوينا
ماشيين
صابرين
والدنيا لابترحم ولا بتدينا
طريقين
صبو بطريق
وبأولو إتلاقينا
مشينا
وحكينا
ألامنا
والحزن المزروع اودامنا
وبكينا
ووقفنا
وقفنا ليه..؟؟
نتخاصم.؟
نتعاتب.؟
ولا عشان نرتاح.؟
من كتر ما مشينا
أغراب
واقفين للعتاب
نشكي عذاب غناوينا
وكان الامل كداب
خيال بيجري ورا سراب
ياخد منا ويدينا
ورجعنا نمشي
والضنى أسي مرحمشي
بعد مانسينا اسامينا
وتصالحنا ومشينا
بطريق الحب والذكريات
مع الاهات الدفينه
الموجوده بكل سفينه
ليه نرجع تاني بخطاويينا
ليه نرجع تاني بخطاوينا
للمكان اللي منو ابتدينا
للوداع
للعمر اللي ضاع
في الضياع
خلاص
مات فيناالاحساس
عايزه نفترق
حطمي ساري الشراع
وقولي الوداع
كده أحسن من الخداع
قولي الوداع
ويبقى انتهينا
بذكرى حلوه تفكرنا ببعضينا
مش بجرح أسي يئلمنا ويدمينا
وموجه عاليه تشيلنا وترمينا
على شط ملهوش مينا
لو عايزه كده
قولي الوداع
كده احسن من الخداع
كده أحسن من الخداع
السبت نوفمبر 10, 2007 12:57 am
